雞肉腸炒娃娃菜

材料
娃娃菜_1包     廚師雞肉腸_3條   薑_2片     乾蔥_2大粒     蒜_1+2瓣

調味
雞肉腸 - 糖_1茶匙
娃娃菜 - 酒_1茶匙     鹽_半至1茶匙    

老公以前唔鐘意食菜，最愛吃精製肉
為令他多吃菜，同時又有精製肉給他吃，就諗咗將兩種材料同炒
娃娃菜本身味淡，就算唔鐘意食菜的味道都比較容易入口
而吸收咗雞肉腸的味道，會好好味
我鐘意食清淡的菜都好鐘意食呢個菜

試過好多材料配撘炒娃娃菜，肉絲、蝦米、火腿絲、午餐肉絲等
始終都不及雞肉腸好味，一來佢夠咸，會過啲味道到娃娃菜
二來比較硬身，同軟身的娃娃菜好夾，最重要係爆香再炒唔會稔咗

又講吓其他配料在我們而言有什麼不足之處
炒肉絲好悶，炒完好乾唔好食，同個餸唔夠香口
蝦米炒完硬加上本身唔會食太多，為好味加好多最後又係掉好多，浪費
火腿絲的味道過唔到去娃娃菜到，加上口感偏軟不太好
午餐肉更難接受，因為煎香了的午餐肉，加入菜同炒會變得很軟和會斷，味道也變得差

步驟
1. 用1瓣蒜起鑊，爆香雞肉腸後加糖，待糖炒均勻後盛起備用，不用洗鑊
2. 把薑、蔥、蒜(2瓣)放入爆過雞肉腸的油鑊(如不夠油可加油)，用細火爆香(因之前爆雞肉 
    腸時落糖，開大火很鑊容易燶)爆香
3. 加入娃娃菜，中大火炒，待菜開始變軟加酒同炒，菜快炒好後落雞肉腸，炒勻後下鹽，
    試味認為適合關火

提示
娃娃菜味淡，炒時加一點酒令菜較香
下一點糖味道會更好，如果雞肉腸已下糖就不用再下
炒這菜建議放較少鹽，因雞肉腸本身偏咸，如菜也咸便只有咸味，下少少鹽反而可以吃到菜的甜味和雞肉腸的香味
偷懶不把雞肉腸先爆香直接放入與菜同炒，味道不會跑到菜裡，加上沒有煎過，肉很稔
不用娃娃菜，也可用旺菜膽(即旺菜的心，樣子很像加大碼娃娃菜)