鮮土伏苓_5兩 鮮牛大力_3兩 赤小豆_1兩 扁豆_1兩 果皮_1小塊
瘦肉_少許(4厚片) 水_7碗 紅蘿蔔_3兩 (可以唔落)
近排有啲喉嚨痛，天氣又潮濕，所以諗起呢個湯
家人曾大力推薦土伏苓，話飲完第二日精神爽利好舒服
呢個湯出名清熱祛濕、去骨火...見未試過就煲唻飲吓
土伏苓都幾大舊吓，揀咗最細一舊都比女人拳頭大小小
牛大力好貴，12寸膠間呎咁長粗小小成$55
我本來想煲3碗，但兩者揀咗最細都係太多，於是煲5碗
土伏苓同牛大力好硬，檔主會幫你去皮同用機切片
土伏苓都幾大味，放入膠袋抽住都聞到，似藥材味
朝早浸咗啲赤小豆、扁豆、果皮 (果皮有白色囊要刮去)
黃昏返家就沖乾淨啲土伏苓同牛大力
除瘦肉外，凍水放入所有材料(當時沒有下蘿蔔)，待水開始滾才放入已飛水瘦肉
(檔主建議用豬骨，但想湯清啲所以用瘦肉）
調校2段壓力後關蓋
黄線出現後未出現綠線轉最細火加壓30分鐘
時間到熄火等自動排氣
試味時覺得味道又苦又甘，唔怪得檔主建議落幾粒密棗
唔鐘意密棗，好彩下午採收咗自家種植有機紅蘿蔔
於是翻滾15分鐘時放咗1條入去煲
加咗蘿蔔後湯無咁苦，再加埋鹽又好味咗
甘味仍然有但係回甘的味道，唔難飲
由於今次用成7碗水，煲同排氣時間相對耐咗，排氣比之前只用4.5碗水多兩倍時間，成20分鐘
頭頭尾尾煲咗成1.5小時
呢個湯對我唻講唔係咁好飲（小朋友應該唔鐘意），飲完第二日又無家人講到功效咁神奇
啲土伏苓同牛大力又太硬唔食得翻，都係煲翻粉葛赤小豆扁豆湯啱我啲
沒有留言:
張貼留言