節瓜_2個(約6兩) 冬菇_4隻 乾瑤柱_2.5粒(中型) 原色淮山_1兩(可以不加)
薑片_少許 已飛水瘦肉_4厚片 水_4.5碗
話雖如此，只用兩者煲湯又會太寡，所以通常都會加其他配料令到味道有層次啲
今次加咗節瓜，因為節瓜正氣唔太涼，夏天有時會加冬瓜消暑
如果加螺頭，又係另一翻滋味
至於淮山可加可不加，只不過因為鐘意食同有需要食唻補脾，又有材料就加
瑤柱愈多湯愈鮮甜，我用的是日本北海道貨，1斤大約65至70粒，發起大個五蚊，所以就用2.5粒
如果細粒就加多啲，大粒啲千多元1斤嗰啲加1.5粒可以了
過完農曆年，日本紙水又跌，上星期去海味街入貨，乾瑤柱比半年前平咗1成
冬菇就用日本大花菇，味道好香好厚肉，炆起來好好味，但用唻煲湯其實有啲浪費
買普通的薄身冬菇，百多元1斤已經足夠
係無咁香同無咁厚肉，但有其他材料味道夾埋唔會好差
返工前浸定瑤柱、冬菇同淮山，瑤柱水會用翻，冬菇水因為太香太濃味所以唔用
冬菇浸軟後去蒂(蒂可放湯可煮，只要其味，太硬不好吃)
凍水落薑片（海味湯最好落薑），除節瓜外，所有材料放入煲內
浸瑤柱和冬菇的水可以用來代替清水，謹記加了要扣回同等清水份量
節瓜不同步加入是因為煮太久瓜肉會太稔，翻滾時好易散開
待水開始滾放入已飛水的瘦肉
加壓10分鐘後自動排氣，放入已刨皮的原個節瓜
節瓜不用切是避免翻滾時瓜囊和核都走出來，湯會變得混濁和瓜肉好薄
再調校2段壓力，關蓋中大火煲至黃線過後未現綠線，即收最細火
加壓10分鐘後自動排氣再翻滾10-15分鐘，待湯出味收細火加鹽熄火
簡單敍述步驟版
1. 凍水放料 (除節瓜和已飛水瘦肉外)
2. 水開始滾放瘦肉
2. 調校2段壓力，中大火煲至黃線過後未出現線(因我的爐頭太猛火，最細火也會繼續升溫)加壓10分鐘
3. 自動排氣
4. 放入節瓜
5. 中大火煲至黃線過後未出現線加壓10分鐘
6. 自動排氣
7. 翻滾10至15分鐘湯出味後加鹽即成
沒有留言:
張貼留言