Fissler高速煲 - 開煲清潔

終於買咗靚檸檬,今日有時間馬上清潔新煲試吓如何運作。

Sales話開新煲要先用cif萬潔靈洗去煲上出廠時的機油,跟住切幾片檸檬煲水(辟味卦),最後用洗潔精清洗完用得。

煲檸檬水時用咗2段階力,電磁腦先開5段火力,見到綠線一半就關到1段火力,點知十分鐘後竟然上升到見到紅線,咪即係壓力太大,見主閥門久不久出蒸汽,又驚爆炸又驚過熱令煲老化,即刻熄火。

排氣時聽到少少排氣聲,見壓力顯示落哂以為可以開煲,點知一按開關掣兩邊噴好多蒸氣,嚇到我吖!於是慢慢扭排氣掣排哂氣先開。

用洗潔精洗完檸檬水頂位置煲身有個少少深色圈出現,唔理佢住,第日先試吓用暖水再省吓佢。