Fissler高速煲 - 節瓜淮山茨實蓮子湯

材料 (共3碗)
節瓜_515g(兩個中型)(有多,留咗1/3個無用到)  淮山_15g     茨實_15g     蓮子_30g
已飛水瘦肉_5厚片(約150g)     水_4碗半(約900ml)
(淮山茨實蓮子落多啲無所謂,湯會稠啲)

自製士多啤梨醬

材料 (成品1瓶)

士多啤梨_350g     白砂糖或冰糖碎_50g     檸檬汁_1湯匙

(糖的份量按口味而異,糖愈多果醬愈稠,我這個比例糖份偏少)

  

上年摘了有機士多啤梨做果醬，味道很好很好，最緊要是新鮮和有粒粒果肉
星期日又到粉嶺摘回來做果醬
第一次摘士多啤梨貪大貪熟
但數小時候回到家發現很多都碰傷出汁
過兩日還變得太熟味道不太好
所以今年揀士多啤梨時專揀不是太稔和大紅，頂還帶點白的快將完全成熟的果

Fissler高速煲 - 南北杏西洋菜湯

材料 (共3碗)
西洋菜_703克 (加多減少無所謂,多啲湯味濃啲,少啲寡口啲)     南北杏_16克 (買到靚南北杏,少少已經好香)     瘦肉_少許 (三厚片)
水_4.5碗(約900ml)

Fisslery高速煲 - 花生眉豆木瓜湯

材料 (共3碗)
青木瓜_906g(好少可以買到咁細個)      眉豆_66g      花生_45g     乾堯柱_1粒(可不加,加了甜些,先浸溫水待稍軟才用,水用翻)    
果皮_一小塊(先浸水,如有白色層要括去)   水_4碗半(約900g,如用堯柱水便要扣份量,或之後大火滾等走水)   瘦肉_少許(如果其他料少要加多點瘦肉,但料多就不需要瘦肉的甜味了)
(此湯可以加雞腳,但我不吃又懶,不想先斬腳指去油出水)
    

Fissler高速煲 - 成功的紅豆沙

材料 (2碗半)
紅豆_111g    水_500g (加壓時先發現計錯數,少咗55g~~~)   增城蔗糖_1.5片(1片稍欠些少甜味,1.5片太甜)    果皮_一小片 
(想煲3碗,唔知要用幾多料,估計紅豆會吸水膨漲,就試吓豆同水比例為1:5)

   

Fissler 高速煲 - 蕃茄蘿仔湯

大愛薯仔,也愛蕃茄的酸味,所以煲蕃茄薯仔湯只用簡單的材料
沒有加牛(月展)令湯便甜,也沒有加牛尾令湯更濃,也沒有用這湯的好拍檔牛肉
吃蕃茄湯就是想要那酸味,味酸的湯很開胃

一隻中等大小的薯仔,兩倍薯仔份量的蕃茄,選較淡色和更的會較酸
薯仔帶少許甜味(百佳的完全無味),蕃茄比較多煲起會有很濃蕃茄味
所以瘦肉用不多,只是四片厚片
由於薯仔和蕃茄的份量多,預計煲出4碗湯味道也很濃,所以用了5碗半水
水大滾把薯仔(切了薄片容易出味和稔蕃茄和水全部放進煲內

還未煲,水開始滾蕃茄味已經很香了

黃線過去了便關最細火2段加壓20分鐘
等自動排氣後翻滾15分鐘,下鹽即成
湯的味道是酸酸的蕃茄味,帶有少少薯仔的甜味,之前一直煲的就是這個味了

Fissler高速煲 - 響螺湯20分鐘唔夠時間

平時煲響螺湯要三個鐘,之前乾響螺頭仲要浸最少幾個鐘,乾堯柱又浸幾個鐘
今次就試吓只浸半小時再煲會點

買煲時有張紙仔教煲老火湯要加壓20分鐘,去街前浸咗螺頭同乾堯柱,4個鐘頭後返家洗乾淨就開始煲
因為無發花膠,所以只係用螺頭、堯柱、金華火腿同瘦肉煲
眼見咁少料,所以只加咗3碗半水
習慣水滾落料,幾分鐘就見到成條黃線,馬上細火加壓20分鐘
約10分鐘又見紅線又出蒸氣又有少少聲,但我無理佢,只要唔係出好多蒸氣或者好大聲,店長話唔駛怕

20分鐘過後排氣10分,試過啲湯好淡味,料太少罷
橫掂都要再滾,就開大火滾多15分鐘,希望走咁啲水好啲
滾完後得翻兩碗半水,味道濃咗,但係無老火湯咁濃,唔敢肯定係咪太少料
不過啲螺頭就未稔哂,中間仲係有少少硬,以前煲會好稔
下次煲試吓加壓30分鐘先得

Fissler高速煲 - 新買8日便要換零件

昨晚學店長,嘗試高紅線時不關爐由它排氣，又發現新問題，就是紅線剛出現時開頭會噴蒸氣和有排氣聲，但過了不久只有聲沒有蒸氣

用手把主氣閥按下,聲音又沒有了,跟我看專櫃時的示範很不同,應該是有問題

今天帶煲蓋到專櫃給店長檢查,到專櫃前老公說主閥門的螺絲有少部份地方缺了
給店長看了螺絲,她拿其他氣閥比較後也沒有試煲蓋便直接打電話回公司說要更換
但免費更換只限一次,希望這次沒有問題,而當時也立即試驗過,運作很正常
專櫃的爐頭也是黃線後關最細火也會直闖上紅線,之後排氣和蒸氣一段時間後又跑回綠線
即是我用的爐頭過大火也不怕了

等待檢查時剛巧有客人買新煲,店長給她試範如何蒸飯,一份飯加一份水2段4分鐘便可以了
她只用一個普通的膠碗也可以,那我不用花三百元買它的蒸盤了
這次也知道了少水水滾時比較多蒸氣,糙米不用浸用12分鐘,三色米8分鐘,雞翼3-4分鐘,粥8分鐘,好像很好玩

今早煲內的蘿蔔味走了,膠圈昨晚用洗潔精浸了一會兒,今早還留有味道

Fissler高速煲 - 專櫃問清楚

一起身便打電話到Fissler顧客服務部講述上紅線問題
接線的說要待專櫃有經驗的店長回覆,留了電話,下午回覆

原來上紅線的情況店長家也有同樣問題,電話裡不好說,店長問我可會到專櫃示範給我看,反正就在公司附近,下班便過去問清楚

除了網上,從來沒有看過高速煲如何運作,看了示範,又明白多了,上紅線也不用怕,只要是煲時細火便可以了
店長也特意作出錯誤示範,就是紅線上了也用大火,結果是很多蒸氣排出而煲也發出聲響
店長對此並不恐慌,就由它大火一輪後才關細火,她這様做是要讓我安心,不用看到紅線和少少聲音便馬上關爐
跟店長說煲邊適水了,她說因為膠邊有水所以便滴了出來,好像又是,因我用時膠邊還有水藏在裡面
但她的煲排氣時好像很靜,我的有聲啊,不正常嗎?
實在太多疑問和不明白,店長叫我帶煲蓋給她檢查,也好,我就覺得我的有問題,明天就拿來一試

今早發現另一問題就是煲和膠邊還留有蘿蔔湯味,不知是不是我昨晚沒有洗煲只輕輕沖了一沖便加水試了幾次煲的後果
檸檬汁能除味,便煲了一大煲檸檬便上班
問了店長如何除味,她說不用理它,煲蘿蔔湯便留有蘿蔔味,煲粉葛湯便有粉葛味,不是吧,不太受得了

Fissler高速煲 - 第一次煲湯不順利

之前只煲水已覺得煲好像有點問題,今晚回家晚飯,就試試煲老火湯又如何
買了約一斤紅蘿蔔青蘿蔔,豬林肉,加了4碗半水
開始時不加壓,待水半滾下豬肉,大滾下蘿蔔,滾起便關蓋開2段煲30分鐘
同樣地,黃線關了細火不久10分鐘又衝上紅線並出現排氣聲和少許蒸氣
怕太熱便馬上關電磁爐,待下降到黃線又搬到煤氣爐用最小火煲,試試會否有改善
又是10分鐘到紅線,於是又等降壓搬回電磁爐

10分鐘後見紅線馬上關火,待排氣完畢馬上開蓋
吖吔,仲有很多水剩,平時我們兩人只喝約共3碗湯
但不怕,Sales有排氣後要再滾10分鐘,我便不管它直至滾到水量減至合適才收火
前前後後共煲了1個多小時,高速煲來說算很長時間了

不知道是湯沒出味還是蘿蔔比較少和淡味
味道比用普通煲的清淡,吃了紅蘿蔔,沒味的
是味道都被迫出來了還是本來沒有味就不得已知了

洗完碗,叫老公一同來試煲看看出現的問題
解決不了,但我們都認為有問題,唯有留待明早致電顧客服務部問清楚

Fissler高速煲 - 又見紅線

尋日用咗細火仲由綠線上紅線,今日試吓煲水見到黃線轉細火,點知又係約10分鐘上紅線

又試吓一開始煲時用比較細火,再到黃線收細火,結果又係一樣,咁啱星期日無得打電話問顧客服務,唯有上網睇吓有無人有同樣情況,搵唔到添,聽日先算

Fissler高速煲 - 開煲清潔

終於買咗靚檸檬,今日有時間馬上清潔新煲試吓如何運作。

Sales話開新煲要先用cif萬潔靈洗去煲上出廠時的機油,跟住切幾片檸檬煲水(辟味卦),最後用洗潔精清洗完用得。

煲檸檬水時用咗2段階力,電磁腦先開5段火力,見到綠線一半就關到1段火力,點知十分鐘後竟然上升到見到紅線,咪即係壓力太大,見主閥門久不久出蒸汽,又驚爆炸又驚過熱令煲老化,即刻熄火。

排氣時聽到少少排氣聲,見壓力顯示落哂以為可以開煲,點知一按開關掣兩邊噴好多蒸氣,嚇到我吖!於是慢慢扭排氣掣排哂氣先開。

用洗潔精洗完檸檬水頂位置煲身有個少少深色圈出現,唔理佢住,第日先試吓用暖水再省吓佢。

迎接新玩具-Fissler高速煲

近月在家煮食多了,煲湯太花時間,又要返工,所以要分兩日煲,放工晚上煲湯底,第二日開飯前先煲完。

思前想後想買高速煲,看過問過5-6個牌子,又上網看用家分享,最後鎖定Fissler和WMF,因為德國製造品質有保證,又有多重保障安全好多,唔怕爆炸。

本來諗住等到5月先買,咁啱過完年一田做廚具展,Fissler 4.5L送湯殼做$2,688,但WMF無放展覽,結果買左Fissler (WMF好靚,但心裡面Fissler高分啲,不過WMF過幾日減價$3,000舊款大細兩個煲)。
售貨員教咗要清潔個煲先用,三個工序咁多,得閒先。