臘腸炒荷蘭豆

材料(二人份)
荷蘭豆_1斤     臘腸_2條     薑_2片     蒜頭_3瓣     紹興酒_1.5茶匙    
調味
雞粉_1/2茶匙

荷蘭豆係冬天作物，春天後無咁靚
見街市檔啱啱返貨仲係漲卜卜好翠綠就買唻食
臘腸又係冬天先啱食，趁依家仲涼涼哋就炒埋一碟
荷蘭豆本身有啲草青味，加酒同用臘腸炒可以去青味仲有好香臘腸味
令到啲豆好好味

步驟
1. 荷蘭豆撕去兩邊的「筋」
2. 臘腸切塊
3. 用少量油爆香臘腸，臘腸本身有糖份，好容易濃，所以用中火就得，同埋要一路炒住
4. 盛起炒香的臘腸，臘腸會出油，如果鑊內有足夠油份就不用再添油
5. 爆香薑和蒜頭後，中大火炒荷蘭豆，待豆稍稍軟身灒酒，豆差不多熟後加雞粉
6. 炒均雞粉後加臘腸，將兩者炒均即成

小提示 
1. 荷蘭豆去「筋」
    撕去荷蘭豆兩邊的「筋」，豆就不會有筋和有渣
    摘去頂部同時拉出一邊的「筋」會較容易，之後再摘去尾部同時接出另一邊的「筋」
    嫰的荷蘭豆是沒有「筋」的，除了是自家種的豆，每次外邊買的豆都要去「筋」，豆愈老
　「筋」愈易撕
    炒荷蘭豆要灒酒
    荷蘭豆有陣草青味，就算炒熟咗都有，加酒後就不會再有
    翠綠爽脆的荷蘭豆
    炒荷蘭豆要翠綠一定要有足夠油份，否則會啡啡哋色；怕肥的話用菜油炒便不用怕了
    荷蘭豆炒得太耐會變軟身唔再爽脆，油滾後中大火快炒幾分鐘就得
2. 爆臘腸兩個好處
    一. 爆時會出油，用回這些油炒荷蘭豆會很香，夠油便不用額外再加油
    二. 爆時會出油，如怕油膩可先洗鑊，用自己用開的油炒，只是味道無咁香
3. 調味
    我用埋爆臘腸的油，荷蘭豆和臘腸同炒時，臘腸的咸和甜味又會出味，所以只需要加少量　
    雞粉。用雞粉不用鹽是因為它能辟去草青味，但不要下太多否則雞粉味會太出
    如果不用臘腸的油，下酒後可加少少糖同炒，雞粉不要多下，不夠咸加鹽好了