紅豆_111g 水_500g (加壓時先發現計錯數,少咗55g~~~) 增城蔗糖_1.5片(1片稍欠些少甜味,1.5片太甜) 果皮_一小片
(想煲3碗,唔知要用幾多料,估計紅豆會吸水膨漲,就試吓豆同水比例為1:5)
煲粥同紅豆沙好花心機,成日要睇火怕滾瀉,又要攪住佢避免粘煲底,所以好少煲
用高速煲唔駛睇火好似好好,但上網睇過分享話煲粥同豆類好易會塞住氣閥,又有人話排氣口會噴啲粥出唻,聽落好得人驚
說明書寫煲豆類可以用個蒸盤做蓋避免塞住氣閥,但店長又話唔駛,咁唔用了
凍水落料(果皮一定要凍水落,否則會苦,用前要浸軟和刮走白色部份),
4分20秒已經到咗黃線底部,細火加壓2段20分鐘
只加壓了4分32秒,主氣閥開始有排氣聲,但未出現紅線,暫且唔理佢
去到7分03秒,紅線出現,雖然主氣閥有聲無氣,但怕豆皮塞住氣閥,又想睇吓裡面情況,就熄火排氣
16分45秒自動排氣完畢,開蓋見煲內無任何紅豆爬升的跡像,乾淨的煲身部份依然乾淨,
試咗一粒豆已經稔咗,就關蓋再煲,見唔會滾起哂之後加壓到紅線有少少聲(無氣)都唔理佢,
去到30分,扣翻之前排氣約10分鐘,加壓總時間夠20分鐘,主氣閥啲聲大咗少少同頻密咗,於是關爐
11分鐘完成排氣,打開煲蓋一睇,紅豆粒粒分明,水還水豆還豆,無起沙的感覺,試食過豆已經煲得好「爛」,但無化開
既然豆已經開了,就容易起沙
開中火翻滾、加蔗糖,同時用湯焯打圈攪
不到一會豆沙就出現,水開始變稠,就不再攪了
由於蔗糖未溶就用細火煲,愈煲愈稠,煲溶後便熄火,前後不超過10分鐘
紅豆沙完成,味道就是紅豆沙的味道,但太甜了
質感就是中式起沙紅豆沙的質感,還有「沙」掛碗
不過太稠了,如果沒有計錯數漏掉那55g水,會較合我口味
其實可以加少少水便可以減甜減稠,但心急要試便不理了
呢個份量煲咗2碗半,我算1隻碗盛200g,即有500g紅豆沙
下次想煲3碗試吓加多100g水(即600g水)
可以多翻半踠,又無咁稠和甜
同埋除非好蒸氣同好太排氣聲,否則唔關火一直加壓20分鐘
沒有留言:
張貼留言